العودة   شبكة العرفان الثقافية > الواحات الإسلامية > واحة اهل بيت النبوة ( عليهم السلام )
 
 
التعليمـــات التقويم اجعل كافة الأقسام مقروءة

إضافة رد
 
أدوات الموضوع انواع عرض الموضوع
قديم 12-04-2018, 01:30   المشاركة رقم: 1
معلومات العضو
 
الصورة الرمزية ورود الصباح

إحصائية العضو






  ورود الصباح has a spectacular aura aboutورود الصباح has a spectacular aura about
 
اوسمة العضو
 
أوسمة الزهراء سلام الله عليها تقدير وعرفان قسم مميز شكر وتقدير 
مجموع الاوسمة: 4...) (أكثر»
 



التواجد والإتصالات
ورود الصباح غير متواجد حالياً

المنتدى : واحة اهل بيت النبوة ( عليهم السلام )
عظم الله اجورنا واجورکم بستشهاد الامام المظلوم الامام الکاظم (ع)

عبدالكريم الحزباوي
عظم الله اجورنا واجورکم بستشهاد الامام المظلوم الامام الکاظم (ع)
🏴🏴🏴🏴🏴🏴🏴
سجن موسى سجن اظلم غیاھب
مثـل ریح الـدھـر سيء غیاھب
وابـد مـاھـمه كـل ظـالم غیاھب
ابن جعـفـر تھـابك كـل قضية
*
كمر یشھد إلك عابد وقضبان
زنازینك إلك سجدت وقضبان
تنادي یا الھي احكم وقضبان
الكاظم وھارون ابن الدعیه
*
كظمت الغـیظ للـباري كظامي
منو ضیمه صدك یشبھ كظامي
مثل سم الحسن سمي كظامي
عظامي ترضرضن تدرون بيه
*
المعاجز وكفت أبابك تجرھا
وتجارتكم ربح كلمن تجرھا
أریدك سیدي روحي تجرھا
تجیك تزور ارض الكاظمیة
*
یبن جعفر علیك الروح ھامات
إلك ترخص بھاذ الیوم ھامات
علیك یصیح كل مامون ھامات
وألم سجنك لجم ضلع الزجيه
*
بتاریخ الدھـر سجـل وكیده
الإمام شلـون یتكید وكیده
سجن مظلم یخلونھ وكیده
سلاسل یربط سوده عليه
*
ابن حیدر علي الكاظم تعالى
بـآیات الـطھـر خـصه تعالى
یشیعي للجـسر باجـر تعالى
نشیع الـراھب نقیم العزیة
*
الإمام الكاظم العـابد وراھب
لجیوش الكفر راعب وراھب
ریاح الغدر یا وسفھ وراھب
وغدر مسموم إمام الجعفریة
*
یباب الجود والطلبه والمراد
الم سجنك نحس بینة المراد
لیزورك یدخل الجنة والمراد
بخسارة یصیر دنیا وأخريه
*
یمن بابك عـلاج الروحي وصفه
عذب زمزم صفائك عسل وصفه
صعب حالك ولا ینوصف وصفه
بسجـن سمـوك تـنعـاك ألمـنيه
*
الدھر لھموم یا ویلي جسرھا
ویا كید الكـسر ساكھ جسرھا
علیك یون یبن جعفر جسرھا
وینادي یا إمام الـرافـضیة
*
حبكم عذب مثل العسل وصفه
العقل بیكم عجز محتار وصفه
دواكم من علي مكتوب وصفه
تصرفون العلاج الكل قضيه
*
العقـل ما صح بعد عندي ومسجون
أحس مخنوك من عمري ومسجون
عـلى المسموم ھمت انھ ومسجون
ألـرحـیـلك یا إمـام الـرافـضیة
*
ألك سجن بوسط روحي إلك ضام
أبـوح ابغـیضي ما اكـدر إلك ضام
اجـمع أدموعي بعیـوني إلك ضام
وعلیك أبجي دموم بھل مسیه
*
الیحـبك عقلي متعلم ولھفي
بغیرك اختنك تـدري ولھفي
إمامي الساكن بكلبي ولھفي
منزل والحنین یطوف بيه
*
أبجـزر دنیاي مامـرة ومدیت
سبحان الخلق أرضك ومدیت
یم بابك جبت روحي ومدیت
جفوف وحاشه أتردھن علیه
*
المشاكل تنحل باسمك وفضت
ترس جود الكرم جفك وفضت
على بابك وكـفـت انھ وفضت
حوائج صرت اطشھن وأھلیه
*
شكثر أنصاركم جانت وشیعة
خبر موتك وصل لینھ وشیعة
إلك كلبي یظـل نعشك وشیعة
یبن جعفر ملكت الروح بیه
*
یبن جعـفر إلك أعظم شھادة
سنینك بالسجن تبقھ شھادة
نلت من العرش أنت شھادة
على مصابك حزن رب ألبریه
*
یكعبھ اتطوفك الزوار حاجات
إمام وتكضي للمحتاج حاجات
نخیتك أنت للملھوف حاجات
دخیلك اكضي كل حاجة إلیه
*
طبك جـفن المصایب من جفنھا
عمت عیني صوركم من جفتھا
علیھا الموت ھم أن من جفنھا
ویـون لیھا الصخر ونه شجیه
*
اشم ريحة لوعة وسموم
يمكن گربت ايامك يمسموم
لأذرفلك دمع وانزفلك دموم
لفقدك يبو السجدة الطويله
*
بنی العباس راس الفتن شالوا
وسـهـم احـقـادهـم بـلگـلب شالوا
مثل موسی السنادی ابلیل شالوا
وعله ایدیهـم شرب کاس المنـیه
*
بنی العباس بس فتنه عملهم
واکبـر جـور بـلـدنیه عملهم
عن درب العدل الله عملهم
کتلوا چم ولی فوگ الوطیه
*
عـلـیــه ابــحــزن هـلــدنـیـه قضاها
وگلبی الموسی ابن جعفر قضاها
حـیـاتــه بـلـسـجـن نـصهـا قضاها
وبید السِنِد وافتّه المنیه
*
الکتل موسی سفیه و زاد یهله
خـلّـه الـدین دمـع الـعـیــن یهله
تعـالـوا شـیّــعــوا المظلوم یهله
غریب ویا کُبر های الرزیه
*
یهل شایل نعش موسی تونّه
خل روحی ابشجه ونها تونّه
الــه کلــمــا نـحـط مــاتــم تونّه
لـئـنّـه اتلوگله الونّه الشجیه
*
نـوِن وعـلـیک دمـعـتـنـه نهلها
ابشجه واجسامنه امصابک نهلها
حیاتـک حِسَب چتالک نهلها
انتها وظلّت حیاتک سرمدیّه
*
یشیعه موسی ابن جعفر ودوله
منّه اهـتـز عـرش حاکم ودوله
خلیعــه عَـمـــداً ابسجنه ودوله
هداها وتابت الرب البریّه
*
سجّانک ابصبرک حیّـریته
وانه همّک یغالی حیّریته
عسه السمّک یموسی حیّریته
ابجهنم للابد ناره سریّه
*
الموسی الدمع مالومه من اهله
جـسمه السجـن یاویلی من اهله
مـــا واحــد حـضر یمه من اهله
بالسم یـــوم وافته المنیّه
*
ابن جعـفـر بنی العباس وردوه
ابسجن مظلم وسم چتّال وردوه
ماراعــوا گرابـــه ودین وردوه
المنیّـه و خاصموا رب البریّه
*
بنی العباس یَُفضَحـهم دروا بی
حقدهم ضد ابـن جعفر دروا بی
مِن سِجن السِِجن مِظلم دروا بی
و اخیراً شـرّبــوا کاس‌ المنیّه
*
اقنع بيش روحي انه ورضها
الك ونت سمه العليه ورضها
وكيدك يحـفـر أبأيدك ورضها
مثل ضلع امك الزهرة الزجيه
*
مثل ضلع النزف منك دم الها
الخزن بالجرح جرحك دم الها
وحزنك عالبشر يبقى دم الها
مصابك بالسجن تلفي المنيه
*
مصابك بالسجن عيني سجنها
الدهـر بغـيابك الصاير سجنها
روحي غيوم حسراتي سجنها
مطر تمطر حزنها الجعفريه
*
كاظم جرح سجنك سلسلنك
هموم سنين عمرك سلسلنك
يموسى ويا سلاسل سلسلنك
كيدك والعظم صاير سويه
*
على همك جبت چم آه درتهه
وروحك بالسجن تنسم دريتهه
عينك موعلى روحك درتهه
اعلى درب الشام عالراحت سبيه
*
خبر موتك أبچفه الحزن ياباه
ألمعصومه وعليك أصيح يا باه
أبحلم والحزن بويه ألي ياباه
وروحي امنالصبح نصبت عزيه
*
آه عليــك يالمسـمــوم منّاه
حديد الگيد دمك سال منّاه
منّا انحـــب وانعـــاك منّاه
عله جدك ابچي ذاك الضل رميه
*
مو بس دمعي دم عيني لهاليك
السمّك بالحشــر خاسرلهاليك
شكثر حنيــت يالكاظـم لهاليك
ولا شفت الأهل حد المنيه
*
جرح گلب الرضا المسموم بعداه
عله الكاظـم نجيــم الآه بعداه
الدنيـــه تغيــرت والكون بعداه
بسجن هارون مات ابن الزچيه
*
عله المارضه ابمنكــرونهه عنه
تون الروح ضلت ونهه عنه
أهل موسى ابن جعفروينهه عنه
گضه ابسجنه إمام الرافضيه
*
لحبابــه يحن اب آه ياباه
لعد جسر الرصافه الوكـت ياباه
بگت مثل العليله اتصيـح ياباه
معصومه وتون ونه شجيه
*
الدهر هم ومحن واجروح حملاك
ومثل زينب يموسى اثجيل حملاك
وسافه الغرب يتولـــــــون حملاك
غريبه ياغريب الكاظميه
*
الدهر مايوم سـر كَلبك وداراك
ومن سجن الســجن فرك وداراك
وبعيد اصبحت عن اهلك وداراك
بطاموره وحبس حدر الوطــيه
*
بعد ماظل دمـع لاظــل وشالات
على الروحه بسجن فاضت وشالات
وحماميل ارفعت نعشه وشالات
وظلت عالجسر جثته رمـــيه
*
ينازع وحــده والسجن مسدود
يعالج بالألـــم والجــبد ممرود
يصيح الله وكبر ياهـو موجود
وينه اليفك عن ســاكَي الكَيود
*
يصيح احاه ويفطر ونـينه
على الحيطان ويلي ايدير عينه
يلوج الوحده ويعـرك جبينه
ويتكَلب علــى ايساره ويمينه
*
يحشم بخوتـه وما يسمعونه
يهون كل ألـم من يحظرونه
وكل كَيد البجسمه يفكــونه
ومن السجن موسى يطلعـونه
*
حس الكاظم بسـاعة وفاتـــه
تشَهَد من عـرف خلصت حياتـه
كَبل روحـه واتغطه ابعباتـه
غريب وبالسـجن صارت وفاتـه
*
صحيح انته متت فـــوك الوطيه
غريب وبالسجن شفت الرزيه
لاجن مومـثل ذيــج العزيه
حسين المنذبــح بالغاضريه
**
اهدومه امسلبه وابلا عبايـــه
واصحابه امذبحه واهله ظحايه
واخته ام الخـــدر وي السبايه
تمشي اميسره وابــلا حمايه
*
ومحد كَطع راسك يبن جعفر
ولاجسمك بقى مطروح بالحـر
ولا بســيوف عالغبره توذر
ولا ظلت عليك الخيل تفتر
*
ولا ونت بكترك هاشـميه
ولا شافت اعيونك فاطمـيه
تدفعه الزلم فـوك الوطيه
ولاعندك مثل لوعة رقـيه
*
عليك عيوني صبت ونهمالت
لجن ماراح ذكرك ونهمالت
عليك ام المصايب ونها مالت
واجاك النوح وسموم ومنيه
*
تهدم حصن حيلي اعليك ونهار
واضل انحب عليك بليل ونهار
اصب الدمع شبه السيل ونهار
عله الكاظم تضل عيني سخيه
*
زمانك مارحم حالك ولك دار
وعليك ام الحزن هجمت والاكدار
الك صار السجن مسكن ولك دار
غريب ومرت ايامك اذيه
*
بعد عجزت قصايدنه والاشعار
وغشيم المانظرحالك والاشعار
بسجن حطوك يالكاظم والاشعار
لمن تلفيك بالسجن المنيه
*
دمع عيني عله الوجنات ياراي
غريب ومافزع لي يوم ياراي
ردت ربي اليقررعلي ياراي
اضل مسجون لوسم المنيه
*
اصب الدمع من عيني وسيله
لنك مابقت عندك وسيله
اريد اتعنه سجانك وسيله
واكله شلون مات ابن الزجيه
*
شكثركلبك حمل لوعه حمل هم
وياهو الكفرو ابكدك حملهم
جنت السلام رايتهم حملهم
رحت واندارت الدنيه باذيه
*
الوكت بينه تراده من ردانه
وصحيح مصاب فكده مردانه
صدك حارس يجره من ردانه
ويظربه ابسوط كدام الرعيه
*
انه المعروف الي قبله ولي دين
السلاسل بالرجل حطوواليدين
انه الكاظم ولي عهدا ولي دين
يراويني السجن سم المنيه
*
تهدم حيلي ابفركاك وانشال
وحمل نوح ومصايب هظم وانشال
شفت بعيوني نعشك راح وانشال
غريب وخلص اسنينه بااذيه
*
يهل مسموم مات ابجفه قيده
دليلي ابحضرتك للدوم قيده
اسمي ابدفترالزوارقيده
امشي اعليك انه الزهره الزجيه
*
عليك الروح مثل النارولعه
وبعدهه امجودره اعله الحزن ولعه
شفت يالكاظم انه الجسرولعه
تذكرتك جسد فوك الوطيه
*
يالجبت العمربسجون هارون
هادمعك سكه الوجنات هارون
يالعنك ليالي النوح هارون
ليل وظلمه وسجون ومنيه
*
يليل النايبه امجلب تواليك
دكافي اسحنت دلالي تواليك
يالكاظم تره الشيعه تواليك
والك نصبت عزاء ابهل مسيه
*
اجمع دمعتي ابعيني ولملاك
وابد مامنك اتبره ولملاك
اجت شيعتكم الليله والملاك
نصبت بالدرب لجلك عزيه
*
بعد المن اعاين والمن اره
وتصد عيني اعله نورك والمناره
شفت دمعت ضريحك والمناره
شكت زيجهه ابهاي المسيه
*
تعزينه وقبلنه احنه عزانه
وعزه امعزين بمصابك عزانه
نزل جبريل هليله عزانه
لكاهه اتنوح كلهه الجعفريه
*
انه ابجرح الهجر روحي تعالي
وغفت مابين بيبانك تعالي
يناديهه الصحن كوه تعالي
وجيت ازحوف الك يبن الزجيه
*
بعد هالروح ماتخفي سرلهه
وليالي الحزن وي كلبي سرلهه
الك حضره والك شيعه سرلهه
تعزي الليله برض الكاظميه
*
ابد مايوم بغيابك سرينه
ومثل سرب الكطه البابك سرينه
دكوم انهض يبن جعفر سرينه
واجينه انزورك ابهاي المسيه
*
السمه دم تبچي عالكاظم ورضها
بيمـن روحـي اصبّــرهاورضها
عله الگيّــدوا رجلينـه ورضها
السندي وسالت دمومه الزكيه
*
يســمّ الكاظـــم السـنـدي وشاله
خلص دمعي وبعد ماضل وشاله
عله المحــد حضـر نعشه وشاله
بجسر بغداد ضل نعشه رميه
*
جرح گلب الرضا المسموم بعداه
على الكاظم نجيم الآه بعداه
الدنيه تغيرت والكون بعداه
بسجن هارون مات ابن الزچيه
**
الك حسره بوسـط گلبي وعبره
وشخصك عبره يالكاظم وعبره
يا جســــر ألائمه اوصل وعبره
وزورن حظــــرتك يبن الزجيه
*
كبر جـرح الگلب هيهات ينشال
وريت الي سگاك المـوت ينشال
صدك نعشك بـــلا تشييع ينشال
ومن عدهم غدر شفت المنيه
*
مگيد والســـــلاسل بيك تنشاد
نشيد وشيعتك بس بيك تنشاد
يهل تسال عليه وجاي تنشــــاد
هـل مسموم أمام الرافضيه
*
على المسموم دمعي نهمل وأنصاب
شما اذكره بدليلي انطعن وأنصاب
اسويلك عزاء بالـروح وأنصاب
وابچي عليك اضلن للمنيـــة
*
گصد عيني الدمــع بعدك واجلها
سم الي ســره بچبدك واجلها
احس روحي گرب حدها واجلها
وصـرت بغيابك اتمنه المنيه
*
الكاظم منوجد بالكـــــون واصفه
وواضح مثل نور الشمس واصفه
لعلتي وصــــــف الدكتور واصفه
من ازورك ما يضل كل مرض بيه
**
وحـگ من نزل القران واسمه
وصدرك للگضه بالسجن واسمه
الكاظم ما يرد طــــلاب واسمه
يضــل باب الحوائج للمنية
*
يدهري بزغـري عالونـــه وعينه
دساعد كلبـــــي عالحسره وعينه
على الجثته بسجـن ضلت وعينه
على الباب ويتاني أهل الحميه
*
أبمصابه أنصـاب دلاليوشاله
ودمع عيني بعـد مابيـه وشاله
على السجانه كض نعشه وشاله
بسلاسل عالجسر خلوه رميه
*
يگلي اللأيم مــن الضيم كف آه
وگلبي النوح أبـد ما يوم كفـاه
على الشدو بحـد الگيـد كفـاه
لنــوح أعليــه اضلن للمنيه
*
أون أعلى السجين الغـاب خـــلاه
سهم فگده بدليل المحـب خـــلاه
نعشه أعلى الجسر سجان خــلاه
وصاح أبصوت وين الجعفـريه
*
علیک الجفن مایخلص مصابه
و غـیر الحـزن دلّالی مصـابه
آه یالکاظم و لوعـت مصـابه
غریب وبالسجن شاف المنیه
*
غریب و گلبک امن الآه ینها
و ما یامر علیک الموت ینها
المصایب روحک ابیا ألم ینها
متت مسموم بحضان المنیه
*
یمن بیک الحزن ماخذ تجاره
دمع عینی علیک ابدم تجاره
اشـلون الچتّفک تالی تجاره
یعوفک عالجسر یوم المنیه

م/ن












توقيع :

ضع المؤشر الماوس ع التوقيع واسمع مأساة ثورة البحرين المظلومة
 
من مواضيعي في المنتدي

0 دفن_الإمام_الحسين_عليه_السلام_وباقي_شهداء_الطف
0 همسة مهدوية
0 زينب وماادراك مازينب
0 كيف*تحكمين*ان*العلاقه*بينك*وبين*زوجك*مثاليه
0 الخيانه الزوجيه،،،،
0 اللهم عجل لوليك الفرج متباركين بمولد الامام المهدي عليه السلام
0 كفكف دموعك وانسحب يا عنترة!!
0 فن تحقيق السعادة الأسرية
0 عظم الله اجورنا واجورکم بستشهاد الامام المظلوم الامام الکاظم (ع)
0 حوار بين شاب وفتاة!!!!

عرض البوم صور ورود الصباح   رد مع اقتباس
قديم 12-04-2018, 03:46   المشاركة رقم: 2
معلومات العضو
 
الصورة الرمزية ابو السجاد الموسوى

إحصائية العضو







  ابو السجاد الموسوى is a glorious beacon of lightابو السجاد الموسوى is a glorious beacon of lightابو السجاد الموسوى is a glorious beacon of lightابو السجاد الموسوى is a glorious beacon of lightابو السجاد الموسوى is a glorious beacon of lightابو السجاد الموسوى is a glorious beacon of light
 
اوسمة العضو
 
الابداع وسام عيد الغدير الملتقى الرمضاني وسام الزهراء سلام الله عليها 
مجموع الاوسمة: 17...) (أكثر»
 



التواجد والإتصالات
ابو السجاد الموسوى متواجد حالياً

كاتب الموضوع : ورود الصباح المنتدى : واحة اهل بيت النبوة ( عليهم السلام )
رد: عظم الله اجورنا واجورکم بستشهاد الامام المظلوم الامام الکاظم (ع)

احسنتم
جزاكم الله خيرا
عظم الله لنا ولكم الاجر ان شاء الله












توقيع :



يازائرا قبر الحسين ابشر
بالخير فى الدنيا وشفاعة السبط
وعرج بعد الزيارة للاخ
ابا الفضل عنوان الكرامة والمجد

نقرتين لعرض الصورة في صفحة مستقلة
 
من مواضيعي في المنتدي

0 فتاوي تخص لبس النساء أمام العامه
0 دعاء العبد الصالح على انس بن مالك
0 سؤال حول ظلم الزوج للمرأة
0 اليد السوداء في إشعال حرب الخليج الجديده
0 مفهوم العيد عند اهل البيت عليهم السلام
0 العيد بين الثلاثاء والأربعاء
0 في رحاب إستشهاد الإمام علي بن أبي طالب عليه السلام
0 توقعات خسائر امريكا المفترضه للحرب مع ايران
0 تأملات قرأنية
0 الدعاء المختص قبل الإفطار

عرض البوم صور ابو السجاد الموسوى   رد مع اقتباس
قديم 12-04-2018, 04:30   المشاركة رقم: 3
معلومات العضو
 
الصورة الرمزية ابو منتظر العسكري

إحصائية العضو







  ابو منتظر العسكري is a name known to allابو منتظر العسكري is a name known to allابو منتظر العسكري is a name known to allابو منتظر العسكري is a name known to allابو منتظر العسكري is a name known to allابو منتظر العسكري is a name known to all
 
اوسمة العضو
 
الابداع وسام عيد الغدير وسام الزهراء سلام الله عليها وسام المسابقة التثقيفية 
مجموع الاوسمة: 15...) (أكثر»
 



التواجد والإتصالات
ابو منتظر العسكري متواجد حالياً

كاتب الموضوع : ورود الصباح المنتدى : واحة اهل بيت النبوة ( عليهم السلام )
رد: عظم الله اجورنا واجورکم بستشهاد الامام المظلوم الامام الکاظم (ع)

اعظم الله لنا ولكم الاجر ان شاء الله












توقيع :

إِنَّهُ مِنْ سُلَيْمَانَ وَإِنَّهُ بِسْمِ اللَّهِ الرَّحْمَٰنِ الرَّحِيمِ


نقرتين لعرض الصورة في صفحة مستقلة


من درر الامام الحسين روحي فداه:

من نافسك في دينك فنافسه، ومن نافسك في دنياك فألقها في نحره

وقال روحي فداه:

يا ابن آدم! من مثلك؟ وقد خلا ربّك بينه وبينك متى شئت أن تدخل إليه توضّأت وقمت بين يديه، ولم يجعل بينك وبينه حجاباً ولا بوّاباً، تشكو إليه همومك وفاقتك، وتطلب منه حوائجك، وتستعينه على أمورك



نقرتين لعرض الصورة في صفحة مستقلة
 
من مواضيعي في المنتدي

0 ان كان للرحمن ولد ، فانا اول العابدين
0 يا علي يا علي يا علي
0 ثلاث من حافظ عليهن سعد .....
0 عملية الالتهام الذاتي وعلاقتها بالصيام
0 راي الاستاذ الباحث الطائي في هذا الطرح
0 دردشة لاستقبال شهر رمضان
0 دولة العدل الإلهي / سؤال وحوار
0 تسليط الضوء على رواية ( قلوبنا اوعية .... )
0 الحزن والغروب توأمان
0 انا ارى اذن فانت موجود

عرض البوم صور ابو منتظر العسكري   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
سبعون ذكر لمناقب الإمام علي لم يشركه فيها أحد ذو الفقار واحة الثقافة الاسلامية 18 15-09-2016 07:08
مَكَانَةُ فَاطِمَة الزهْرَاء عِندَ الرسُول (صلى الله عليه وآله) جون علي واحة اهل بيت النبوة ( عليهم السلام ) 3 26-05-2010 01:04
فضل أهل البيت وعلو مكانتهم الباحث عن الحقيقة واحة الثقافة الاسلامية 5 03-08-2006 10:45
اهل البيت من خلال بعض الاحاديث النبويه الشريفه يعسوب_الدين المنوعات العامة 2 09-03-2003 02:25


الساعة الآن 05:56


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir